E spiunon babain në polici për drejtimin e veturës në të kuqen

Një djalë gjashtë vjeçar nga Massachusetts e spiunoi babanë e tij tek policia për shkak se e kishte ngarë veturën në semafor të kuq. Vogëlushi i quajtur Robert, i telefonoi numrit emergjent të policisë dhe i tha: “Babai im kaloi nëpër dritë të kuqe të semaforit. Kjo ndodhi në veturën tonë të re, në veturën e mamasë, dhe na duhej të shkonim në autolarje, ndërsa më pas ai e kaloi dritën e kuqe”, transmeton Klan Kosova. Pasi e përcaktuan se kjo nuk kishte të bënte më asnjë emergjencë, operatori i kërkoi vogëlushit që ta dorëzonte telefonin tek babai i tij. “Policia”, u prezantua ai. “Vetëm dua t’ju kërkoj falje, djali im pesë vjeçar ju telefonoi”, i parapriu babai. Por kur operatori i tregoi se djali i tij e spiunoi për drejtimin e veturës në dritë të kuqe, babai qeshi dhe tha: “Oh jo”. Ai i kërkoi falje sërish dhe të dy përzemërsisht e përfunduan bisedën, meqë operatori vetëm deshi të sigurohej që çdo gjë ishte në rregull. https://www.youtube.com/watch?v=bMH0Epk13qU