E shpëton nga vdekja, 17 vite më vonë në diplomimin e saj

17 vjet më parë, zjarrfikësi Mike Hughes bëri një akt heroik. Ai shpëtoi një vajzë 9 muajshe nga zjarri që kishte kapluar shtëpinë. “Nëse ajo do të qëndronte edhe 20 sekonda më shumë, do të vdiste nga tymi” tha Hughes. Por, ndodhi diçka edhe më e veçantë. Shumë vite më vonë, Hughes e gjeti vajzën në rrjetin social Facebook dhe vendosi që të marrë pjesë në ceremoninë e diplomimit, transmeton Klan Kosova. “Janë thjesht lotë lumturie, sepse gjithcka mund të kishte shkuar ndryshe” tha vajza. Hughes tash i pensionuar u shpreh se ai nuk ka bërë asgjë të jashtëzakonshme. “Ishte puna ime, karriera ime dhe në fakt këtë e bëjnë të gjithë zjarrfikësit” përfundoi ai.   https://www.youtube.com/watch?v=Yd_iD5zolUI