E pranon Vuçiq, parada serbe, kundër aleancave të fqinjëve (VIDEO)

Aleksandar Vuçiq po pretendon se protestave masive 12 muajshe kundër regjimit të tij iu ka ardhur fundi. Por, ai këmbëngul se arsye për këtë nuk është parada e madhe ushtarake që ai do ta organizojë, me 10 mijë ushtarë, të shtunën nëpër Beograd. Shumëkush në serbi, por edhe në Perëndim, e ka parë këtë defile si një porosi direkte të Vuçiq për t’i shtypur pakënaqësitë e atyre që ai u quan “bllokaderë”. Duke i minimizuar kritikat ndaj tij rreth kësaj , i pari nga Beogradi tha se parada nuk është porosi për protestuesit, po për shtetet fqinje, në radhë të parë Kosovës, Shqipërisë e Kroacisë. Vuçiq la të kuptohet se defileu i 10 mijë ushtarëve e qindra makinerive e pajisjeve militare, ka të bëjë edhe më Slloveninë Edhe aleanca ushtarake, e bërë rishtazi Lubjanë-Zagreb që flet kundër Repubika Sërpskas dhe Serbisë, nuk u krijua kundër Austrisë, që e kanë fqinje, por kjo u krijua kundër Serbisë. Në kohën e njëjtë kur do të mbahet parada e së shtunës, është thirrur edhe një proteste e madhe e studentëve në Serbi, kundër atij që ata e quajnë regjim mafioz e korruptiv i partisë në pushtet, SNS. Vuçiq ishte bashkëthemelues i saj por edhe kryetar, pozitë kjo nga e cila dha dorëheqje në maj të vitit 2023. Për detaje, ndiqeni kronikën e përgatitur nga Klan Kosova: https://www.youtube.com/watch?v=7EpAsQr2VjM