Duka: Thellësisht i tronditur për ndarjen e parakohshme nga jeta të lojtarit të Egnatias

Presidenti i Federatës së Futbollit të Shqipërisë, Armand Duka, është shprehur i tronditur, pas vdekjes së lojtarit të Egnatias Raphael Dwamena. Duka theksoi se Dwamena tregonte disiplinë e karakter dhe një futbollist që kishte komunikim të jashtëzakonshëm me shokët e ekipit “Jam thellësisht i shokuar e i tronditur për ndarjen e parakohshme nga jeta të lojtarit të Egnatias, Raphael Dwamena”, shkroi Duka. “Një lojtar i fortë, me shpirt gare, një futbollist që edhe në statistikat e FSHF dhe të Superiores, kishte rekordin më të mirë të golave”. “Dwamena tregonte disiplinë e karakter dhe një futbollist që kishte komunikim të jashtëzakonshëm me shokët e ekipit, por edhe jashtë tij”. “Në emër të FSHF i shpreh ngushëllimet e mia familjarëve të futbollistit dhe vetë ekipit të Egnatias ku ai kontribuoi dhe shkëlqeu në këtë karrierë të tillë futbollistike. Rest in peace Raphael Dëamena”.