Lajmet e fundit
“Ndriçimi” që e shfaqi sot skuadra e Dritës, ia mundësoi të arrijë vendin e parë në tabelë, për nga pikët.
Ajo në fillim nuk i kishte punët aq mirë, pasi në minutën e 18-të Mevlan Zeka i Suharekës ia futi topin në rrjetë.
Rezultati 1-0, vazhdoi deri pak para se të kryhet pjesa e parë e përballjes.
Salifu Ibrahim, shënoi gol në minutën e 44-të, duke e barazuar kështu rezultatin.
Drita e arriti epërsinë në pjesën e dytë, kur sërish e futi topin në rrjetën e kundërshtarit, në minutën e 67-të.
Me këtë fitore kjo skuadër mban vendin e parë në tabelën e Superligës së Kosovës në Futboll, tashmë me 21 pikë të grumbulluara, duke i zënë vendin Ballkanit.
