Dreri shpëtohet pas 12 ditësh me kokën e ngujuar

Një dre në Indiana të ShBA-së që është parë duke u endur me një enë plastike të mbërthyer mbi kokë për të paktën 12 ditë, u shpëtua të enjten në mëngjes. Zyra e Sherifit të Qarkut Vermillion tha në një postim në Facebook se dreri fillimisht u pa me kokën e ngujuar në kontejner në pjesën veriore të qarkut më 10 shkurt, por autoritetet nuk ishin në gjendje të afroheshin sa duhet për ta ndihmuar. Dreri u gjet përsëri të enjten në mëngjes dhe ata vunë re se kafsha kishte arritur të fuste një çarje në enë mjaftueshëm për ta lejuar të hante dhe të pinte. Shpëtuesit "ishin në gjendje të punonin së bashku për të kapur drerin dhe të hiqnin në mënyrë të sigurt plastikën nga koka e tij", thuhet në postim.