Dortmundi paguan klauzolën e lirimit, Fisnik Asllani vishet me ngjyrë të verdhë

Sulmuesi i Kombëtares së Kosovës, Fisnik Asllani, është shumë pranë transferimit te Borussia Dortmundi, ku pritet ta vazhdojë karrierën e tij. Sipas raportimit të gazetarit Arlind Sadiku, Asllani tashmë ka nënshkruar kontratën me gjigantin gjerman, ndërsa zyrtarizimi i transferimit pritet të bëhet gjatë ditëve në vijim, transmeton Klankosova.tv. Më tej raportohet se Borussia Dortmundi ka pranuar ta paguajë klauzolën e lirimit prej 30 milionë eurosh, të vendosur nga Hoffenheimi për kartonin e sulmuesit kosovar.

? ¡NUEVO REFUERZO PARA EL DORTMUND! Fisnik Asllani es nuevo jugador del Borussia Dortmund. El delantero de Kosovo deja el Hoffenheim tras ejecutarse su cláusula de rescisión con contrato hasta 2029. Debido a que el Dortmund clasificó a la Champions League las últimas tres… pic.twitter.com/dbxmcnUzUh

— 365Scores (@365ScoresApp) June 26, 2026

Asllani vjen pas një sezoni shumë të suksesshëm, në të cilin realizoi 10 gola dhe regjistroi shtatë asistime, duke qenë një nga lojtarët më të spikatur të skuadrës së tij. Paraqitjet e tij të mira nuk kaluan pa u vënë re, pasi interesim për transferimin e 23-vjeçarit kishin shfaqur edhe gjigantët evropianë Bayern Munich dhe Barcelona. Megjithatë, sipas raportimeve, duket se destinacioni i tij i radhës do të jetë Borussia Dortmundi.