Një burrë nga Baltimore i ShBA-së tha se një kruarje dore e shtyu ta blinte biletën e lotarisë që përfundimisht i solli çmimin prej 30 mijë dollarësh.
Për zyrtarët e Lotarisë së Marylandit ai tregoi se ishte duke bërë pazar në dyqanin “Giant” në Parkville, kur papritur nisi t’i kruhej dora. Duke u bazuar në një bestytni të njohur se kruarja e dorës paralajmëron një fitim të madh, ai vendosi të ndalet te një pikë e lotarisë dhe të blejë një biletë Keno me opsionin Super Bonus, duke përdorur disa numra që i kishte parë më herët gjatë ditës.
Pas blerjes, e skanoi biletën dhe mbeti i habitur kur në ekran u shfaq mesazhi: “Kontakto lotarinë”, shenjë që kishte fituar një shumë të konsiderueshme.
Fatlumit iu konfirmua çmimi prej 30 mijë dollarësh, të cilat ka thënë se do t’i vendosë në kursime.
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
