Dogji fustanin e nusërisë për ta festuar lirinë e saj (FOTO)

Një grua e divorcuar e ka djegur fustanin e saj të nusërisë pasi është divorcuar, dhe ka realizuar një fotosesion për ta festuar fundin e martesës së saj. Katlynn McKee, nga Ilinois, e bëri me baltë e më pas i vuri flakën fustanit të saj të nusërisë, transmeton Klan Kosova. Çifti ishin së bashku për 10 vjet, për tu ndarë verën e vitit të kaluar, kur ajo edhe e angazhoi fotografin e dasmës së saj që ta fotografojë edhe fundin e një kapitulli. 25 vjeçarja është shprehur se fotografitë e divorcit e liruan atë, pas katër viteve martesë. “Lidhja ime nuk ishte e mirë, dhe ishte një lehtësim që përfundoi”. “Ne u lidhëm kur unë isha 16 vjeçare dhe u martuam para katër viteve. Por ne u rritëm ndryshe”. Ajo tregoi se si i erdhi ideja për këtë fotosesion. “Ishte një rebelim i imi kundër martesës, një mënyrë për të thënë që jam e lirë”.