Detaje shtesë nga shpërthimi i bombolës së gazit në Kçiq (VIDEO)

Kishin ardhur nga kurbeti ta shohin gjyshen e dalë nga spitali, e në të përfunduan edhe vetë. 14 persona mbetën të lënduar pas eksplodimit të një bombole gazi në shtëpinë e familjes Brahimi në Kçiq të Madh të Mitrovicës të shtunën pasdite. Ata pësuan djegie nga shpërthimi i balonit që përdorej për zierje, pasojat e të cilit vërehen edhe në katin e parë të godinës. Pa lëndime shpëtuan vetëm njëra nga motrat e kryefamiljarit dhe gruaja me nënën e tij që ndodheshin në katin e dytë. Veç pronarit të shtëpisë me 2 fëmijët, në QKUK po marrin trajtim edhe motrat me fëmijët e tyre që kishin ardhur nga kurbeti, Teksa një 10 vjeçare, më nënshtetësi suedeze të dielën u transferua drejt shtetit skandinav. Shtëpia e Burhan Brahimit po pastrohej të dielën ndërsa organet kompetente kanë ekzaminuar vendin e ngjarjes për të zbardhur në tërësi se si erdhi deri te eksplodimi. https://www.youtube.com/watch?v=dcMn_IaT8nI