Dënohet burri që vrau gruan dhe postoi foton në Facebook

 Burri nga Florida që kishte vrarë gruan e tij dhe më pas e ka postuar fotografinë në Facebook është shpallur fajtor për vrasje. Kjo vrasje ka ndodhur në gusht të vitit 2013, transmeton Klan Kosova. Derek Medina e ka pranuar se e ka fotografuar gruan e vdekur dhe më pas e ka postuar në rrjetin social. Ai dështoi që ta bind jurinë se e kishte qëlluar tetë herë gruan e tij, Jennifer Alfonson për vetëmbrojtje. Medina është shprehur se gruaja e tij e ka kërcënuar atë me thikë e më pas ai e ka qëlluar atë në shtëpinë e tyre në Miami. Kur ai e postoi fotografinë në Facebook, ai ka shkruar se priste që të shkonte në burg dhe të dënohej me vdekje. Prokurorët dëshmuan se 27 vjeçarja kishte shumë frikë për jetën e saj. Medina i kishte thënë asaj se nëse se në rast se ajo vendos ta lë atëherë ai do e vriste. Madje për kërcënimin e tij e dinin edhe familjarët dhe miqtë e saj. Në gjykatë kishte dëshmuar edhe shoqja e saj Katherine Rundle. “Asnjë familje nuk duhet të shoh vajzën e tyre të vdekur e më pas ta ekspozojë atë në internet sikur një trofe e burrit të inatosur”, është shprehur Rundle. Medina është dënuar me 25 vjet burgim për vrasje të shkallës së dytë.