Deklarata e kryeveteranit Klinaku për Kurtin trazon Kosovën (VIDEO)

Në mes të një dialogu që tregoi se sa e do atdheun, përdori një fjali problematike. Kur fraza "Më parë e vras Albin Kurtin sesa ia lëshoj rrugën e iku nga Kosova” mori dhenë në media, Faton Klinaku e përsëriti si përforcim në një status Facebooku, të martën mbrëma. Kur ushtruesi i detyrës së kryetarit të  Organizatës së Veteranëve të Luftës u thirr nga Klan Kosova të mërkurën, mohoi se kjo ishte kërcënim për kryeministrin, njofton Klan Kosova. Nga ky qëndrim që besojnë se është veç mendim personal i Klinakut, u diferencuan ish-bashkëluftëtarët e tij në Has. Për avokatin Asdren Bytyqi postimi i tillë cenon rendin juridik të Kosovës, me çka duhet marrë organi i akuzës. Kështu edhe ndodhi, pasi në mesditë me urdhër të Prokurorisë Speciale, kryeveterani u intervistua për veprën penale "Dhuna ndaj përfaqësuesve të lartë të Republikës së Kosovës’’. Por ndryshe mendon avokati Artan Çerkini, që thotë se Kodi Penal s'e njeh kërcënimin e kushtëzuar. Faton Klinaku u lirua me procedurë të rregullt e shumica e rasteve të tilla, sipas juristëve mbyllen me dënim me gjobë. https://www.youtube.com/watch?v=Dlg1cZ7tXck