Cilët bartës të listave u mposhtën nga asamblistët? (VIDEO)

Në komunat më të mëdha të vendit, disa kandidatë për asamble po dalin në krye të garës me vota që morën për ulëse në kuvendet komunale. I pari në listën e kandidtavë që ka siguruar më së shumti vota për asamble është kandidati i Vetëvendosjes në Prishtinë, Gëzim Sveçla, me mbi 1613 vota, raporton Klan Kosova. Këtij i afrohet kandidati i PDK në Prizren, Islam Ukaj me 1592 sosh. Derisa bashkëpartiaku i Ukajt në Ferizaj, Burim Bajrami, është kampion në këtë qytet me plot 1357 vota. Në Pejë prin ish-kryeuesi i Kuvendit Komunal, nga Lidhja Demokratike e Kosovës, Rexhep Kurtbogaj, që më 12 tetor numri iu rrumbullakësua 1250 herë. Por në Gjilan si i pari që fiton ulëse në Kuvend Komunal, kryeson Kushtrim Ibrahimi me 975 vota nga Vetëvendosje. Stafetën si më i votuari për këshilltar lokal në Komunën e Gjakovës e bart Gani Hajdari nga PDK-ja, që siguroi 927 vota gjithsej. Me 770 të tilla është para tjerëve nga i njëjti subjekt, edhe Shkelqim Ibrahimi në Mitrovicën e Jugut. Secili nga ta, nuk ishte bartës liste por garonte më 12 tetor në listat përkatëse të partive, ku edhe arritën të sigurojnë mandatet për 4 vjetët e ardhshme. /Klankosova.tv https://www.youtube.com/watch?v=J_Z23ekdwHQ