Çifti që kanë Alzhaimer ndonjëherë nuk e njohin njëri-tjetrin por ende duhen

Një çift i martuar të cilët kanë sëmundjen Alzhaimeri, janë thellësisht të dashuruar tash e 50 vjet – ndonëse disa ditë nuk e njohin njëri – tjetrin. Chris dhe Hilary Warren, kanë tre fëmijë së bashku dhe janë njëjtë sikur yjet e “The Nootebook”, transmeton Klan Kosova. Ata janë diagnostifikuar nga sëmundja e harresës të dy disa vite më parë, por më të rënduar e ka gjendjen Hilary e cila rrallë herë e njëh burrin e saj – por ajo vazhdon ta mbajë për dore në shtrat. Përderisa Chris, nuk u buzëqesh personave të tjerë kur është në praninë e bashkëshortes së tij, nuk mund të ndalet së qeshuri. “Nëna dhe babai im, janë shpirtra binjakë e për këtë nuk kam dyshim”. “Nëse unë dhe gruaja ime do e kemi vetëm gjysmën e lumturisë së tyre, unë do të isha i kënaqur”,  shprehet djali i tyre, James Warren. Ai tregoi se prindërit e tij, ndonëse nuk mund ta njohin njëri – tjetrin tërë kohën, janë shumë të lumtur kur janë pranë. “Është shumë e vështirë të merresh një buzëqeshje nga babai im, por mënyra e vetme për ta parë të buzëqeshur është kur ai është pranë nënës”. Chris e Hilary Warren, janë së bashku për më shumë se 50 vjet, që nga viti 1966.