Çfarë rreziqesh paraqet akullnaja “Fundi i Botës”?

Akullnajat mbeten një pjesë kyçe e ekosistemit global, duke përbërë një nga rezervat më të rëndësishme ujore dhe duke shërbyer si rrjedhje sipërfaqësore për ciklin e ujit të Tokës. Megjithatë, ndryshimi i klimës i ka dhënë një goditje të rëndë këtyre blloqeve të mëdha akulli, me akullnajën Thwaites që po përjeton pasojat e ndryshimeve afatgjata të temperaturave dhe mostrave të motit, raporton “Marca”, transmeton Klankosova.tv. Fundi i njerëzimit E njohur si “Akullnaja në fund të botës”, Thwaites ndodhet në Antarktidë dhe sipas një studimi, shkrirja e saj ka filluar të përshpejtohet. Analiza është bërë përmes një roboti i cili është rreth katër metra i gjatë. Studiuesit ishin në gjendje ta dërgonin atë nën vijën e çarjes dhe panë që akulli zgjatet për herë të parë mbi det. Sipas Paul Cutler, drejtor i programit Thwaites të Fondacionit Kombëtar të Shkencës, thyerja “potencialisht përshpejton shkatërrimin e përgjithshëm të atij rafti akulli”. Megjithatë, ka edhe lajme pozitive, pasi roboti i quajtur Icefin ishte në gjendje të zbriste në një thellësi prej 587 metrash dhe verifikoi se akulli po shkrihet shumë më ngadalë se sa pritej. Si duket “Akullnaja në fund të botës”? Thwaites ndodhet në Antarktidën Perëndimore dhe është i ndryshëm nga akullnajat e tjera, pasi ky bllok i madh akulli është afërsisht sa gjatësia e shtetit të Floridës. Nga ana tjetër, ai përbëhet nga një raft akulli, i cili është thelbësor për sistemin dhe nëpërmjet të cilit akullnaja rigjenerohet dhe funksionon. Roli i kësaj platforme është të veprojë si një tapë, me objektivin për të mbajtur akullnajën në tokë dhe për të siguruar një mbrojtje kundër rritjes së nivelit të detit. Nuk është hera e parë që shkencëtarët lëshojnë një paralajmërim për pasojat e ndryshimeve klimatike dhe shkrirja e “Akullnajave në fund të botës” është një tjetër shenjë se duhet marrë masa. Akullnaja ka marrë nofkën “Fundi i botës” për shkak të potencialit masiv dhe rritjes së nivelit të detit në rast të shkrirjes së saj. /Klankosova.tv Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.