Lajmet e fundit
Klubi futbollistikm Llapi ka njoftuar me kënaqësi se Burim Shala është bërë pjesë e shtabit teknik të skuadrës sonë si ndihmëstrajner i ekipit.
Me përvojën e tij të pasur si futbollist dhe trajner, Llapi pret që ai të ndihmoj klubin në arritjen e objektivave.
Si një ish-futbollist i shquar i Fushë Kosovës dhe kryetrajner në të njëjtën ekip, Burim Shala përfaqëson një kombinim të përsosur të përvojës dhe pasionit për të punuar dhe ndihmuar shtabin teknik në arritjen e objektivave.
Pasi u bashkua me shtabin teknik, trajneri Burim Shala u prononcua për faqen zyrtare të klubit.
"Është kënaqësi e veçantë për mua të punoj tek Llapi. Falenderoj drejtuesit e klubit për besimin, në veçanti kryetrajnerin Tahir Batatina dhe Drejtorin Sportiv, Mentor Zhdrella. Unë jam i privilegjuar maksimalisht për të punuar me një staf të mrekullueshëm dhe futbollistë shumë cilësor siq ka Llapi. Na mbetet vetëm punë dhe angazhim që t'i arrijmë së bashku objektivat që ka klubi, duke nisur nga garat evropiane", tha Shala.
“Ne e mirëpresim trajnerin në familjen tonë dhe jemi të sigurt se bashkëpunimi ynë do të sjellë suksese të mëdha”, thuhet në komunikatën e Llapit.
