Bielsa kritikon ndryshimin në Kupën e Botës: Nuk sjell asgjë

Trajneri i Uruguait, Marcelo Bielsa, ka kritikuar futjen e pushimeve për hidratim në Kupën e Botës, duke pretenduar se ato nuk i shtojnë asgjë futbollit.

FIFA futi pushime tre-minutëshe në mes të secilës pjesë për shkak të temperaturave të larta në qytetet pritëse në të gjithë SHBA-në, Kanadanë dhe Meksikën. Megjithatë, pushimet kanë ndarë opinionin, me kritikët që thonë se ato shërbejnë kryesisht si kohë shtesë komerciale për transmetuesit, raporton Index.hr, transmeton klankosova.tv.

"Luatja e një ndeshjeje në katër pjesë në vend të dy pjesëve ndryshon themelin kulturor mbi të cilin është ndërtuar koncepti i futbollit", u tha Bielsa gazetarëve, sipas Reuters. "Ky ndryshim nuk sjell asgjë dhe heq shumë. Do të them vetëm se para këtij vendimi, futbolli kishte një karakteristikë, dhe tani ka një tjetër. Njerëzit bien në dashuri me këtë lojë pikërisht për shkak të karakteristikave të saj", shtoi ai.

Eksperti argjentinas bëri një dallim midis inovacioneve teknologjike dhe ndërprerjeve komerciale.

"Sigurisht, ne e mirëpresim dhe e vlerësojmë teknologjinë si VAR. Teknologjia ofron më shumë mundësi. Me këto ndërprerje, qëllimi është i ndryshëm dhe përfundimet që nxjerr nuk janë realisht të miat. Unë thjesht përsëris atë që dëgjoj".