Besa nga Peja e nis në Drenicë kampanjën në Ligën e Parë

Është hedhur shorti i edicionit të garave për edicionin 2024/25 në Raiffeisen Ligën e Parë të Kosovës në futboll.

Skuadra që do të garojë në vend të Phoenix-it është Besa e Pejës, e fuzionuar në klubin nga Banja. Pejanët do ta fillojnë kampanjën në Skënderaj, si mysafirë të Drenicës.

Pos Besës, Liria, Fushë Kosova dhe KEK-u janë tre emrat e rinj që i bashkohen skuadrave nga ky kompeticion. Dy të parat kanë rënë nga Superliga, kurse obiliqasit u inkuadruan nga Liga e Dytë.

Më poshtë i gjeni të gjitha çiftet e xhiros së parë në të dyja grupet:

Grupi A:

Liria – Trepça

Rahoveci – Rilindja

Trepça ’89 – Istogu

Mitrovica – Vëllaznimi

Drenica –  Besa Peja

Grupi B:

Ramiz Sadiku – Vushtrria

Prishtina e Re – 2 Korriku

Fushë Kosova – Dinamo

Vjosa – Flamurtari

KEK-u – Kika

Sezoni i ri i Ligës së Parë fillon më 17 gusht 2024.