BE pritet ta ndalojë shërbimin e ri të TikTok

Bashkimi Evropian ka thënë se do të ndalojë shërbimin e ri të lansuar nga TikTok në Evropë. Siç shkruajnë mediat e huaja, përcjell klankosova.tv, BE-ja kërkon prova bindëse që nga ky shërbim janë të mbrojtur fëmijët, pasi i konsideron “po aq të rrezikshëm sa cigaret”. Komisioni i dha kohë TikTok-ut deri të mërkurën për të sjellë argumente në mbrojtje të tij, të cilat komisioni do t’i vlerësojë me kujdes” përpara se të marrë një vendim përfundimtar për hapat e zbatimit.