BE-ja po vëzhgon Kosovën dhe Serbinë (VIDEO)

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka përcjell porosi të forta për Kosovën e Serbinë. Si pjesëmarrës i Samitit të udhëheqësve të 27 shteteve anëtare të BE-së që pos të enjten zhvillon punimet edhe të premten, Borrell u deklarua edhe njëherë për akordin e arritur në Ohër të Maqedonisë së Veriut mes kryeministrit të Kosovës, Albin Kurti e presidentit të Serbisë, Aleksandar Vuçiq. Ata u pajtuan pa nënshkruar për zbatim planin e propozimit evropian për ujdi bazë. “Më lejoni të them se çdo tentim për të vënë në dyshim marrëveshjen është i kotë. Marrëveshja është pajtuar dhe duhet të zbatohet. Nuk ka hapësirë për zgjidh e merr. Ujdia është një e tërë që duhet të zbatohet në gjitha pjesët e saj në një mënyrë të duhur. Ne do përcjellim nga afër kush po e zbaton e kush s’po e zbaton atë. Do të këshilloja ata që të mos bëjnë me gisht nga askush por ta kryejnë punën e tyre”,theksoi Borrell. Lëvdatat, por edhe thirrjet që dakordimi në Ohër të zbatohet pritet të jetë edhe në mesin e konkluzioneve që do nxirren në përfundim të takimit të krerëve të BE-së. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=YvXmX9dnRZE