Batatina shau dhe ofendoi pas ndeshjes me Dukagjinin, thotë se Veseli tentoi ta sulmonte me tre persona të tjerë

Trajneri i Llapit, Tahir Batatina, u shfaq i nervozuar sot pasi përfundoi ndeshja e ekipit të tij me Dukagjinin në Klinë.

Batatina u pa duke sharë dhe ofenduar, ndërsa pas kësaj ngjarje për klankosova.tv, ai pati një sqarim.

Ai ka akuzuar presidentin e klubit të Dukagjinit, Fabion Veselin, për tentim sulmi fizik.

''Fabion Veseli nuk mund ta fitojë lojën as me referë dhe në fund së bashku me 3 tjerë deshën të me sulmonin. Por, tash vazhdojmë e të shohim ku po përfundon se futbolli luhet për çdo vit'', u shpreh Batatina.

Kujtojmë se ndeshjem e sotme nuk e fitoi askush, meqë ajo përfundoi me rezultat 1:1.