Lajmet e fundit
Barcelona ka zbuluar fanellën e fundit speciale për E Clasicon me logon e këngëtares Karol G.
Ajo do të jetë artistja e fundit që do të shfaqet në pjesën e përparme të fanellave të Barcelonës në El Clasico, pas Drake dhe Rolling Stones.
Logoja e kolumbianes - një zemër me tela me gjemba me emrin e saj në qendër - do të shihet fillimisht në fanellat e ekipit të grave të Barcelonës në ndeshjen e tyre në Liga F me Villarrealin të shtunën, më 13 prill.
Ekipi i meshkujve më pas do të veshë fanellat që do të mbajnë dizajnin në përballjen e tyre në El Clasico me Real Madridin të dielën, më 21 prill, teksa nis partneriteti i klubit me shërbimin e transmetimit muzikor Spotify.
Karol G e ka fituar nderin duke qenë artistja latine më e transmetuar në Spotify për katër vjet radhazi, me albumin e saj 'Manana Sera Bonito' duke u bërë albumi latin më i dëgjuar i shërbimit muzikor në një ditë të vetme nga një femër artiste në mars 2023.
