Lajmet e fundit
Barcelona ka bërë të ditur se Pau Cubarsi ka nënshkruar kontratë të re.
Ujdia e re e Cubarsit me klubin nga Katalonia do të jetë deri në verën e vitit 2027, teksa klauzola do të jetë në vlerë prej 500 milionë euro.
Ai ka vënë firmën në marrëveshjen e re në mëngjesin e kësaj të enjte, ku mori pjesë edhe presidenti i klubit Joan Laporta dhe zyrtarë të tjerë.
Cubarsi tashmë ka arritur 20 paraqitje me klubin e Barçës.
Mbrojtësi spanjoll debutoi më 18 janar të këtij viti, duke bërë debutimin në Kupën e Mbretit kundër Unionistas.
Ndërsa u vlerësua më së shumti për paraqitjen fantastike që e pati ndaj Napolit në Ligën e Kampionëve, duke u shpallur edhe lojtari i ndeshjes.
