Lajmet e fundit
Skuadra e Ballkanit nuk do të ushtrojë në "Fadil Vokrri" para duelit të nesërm ndaj Larnes, i vlefshëm për rrethin e tretë kualifikues në Conference League.
Kampionët e shtetit kanë njoftuar se stërvitja zyrtare para kësaj sfide, do të bëhet në stadiumin e qytetit në Suharekë, njofton klankosova.tv.
"Xhebrailat" janë në rrugë për të përsëritur sukseset e dy viteve të kaluara në Evropë, plasmanin në grupet e UECL-së. Që kjo të ndodh, janë dy kundërshtarë për t'u kaluar, kampionët e Irlandës së Veriut dhe ata të Gjibraltarit.
Me të dy këta oponentë, suharekasit janë takuar edhe edicionin e kaluar gjatë kualifikimeve, ku kanë shënuar fitore në çdo përballje me ta, raporton klankosova.tv.
Ballkani - Larne zhvillohet të enjten me 8 gusht në stadiumin "Fadil Vokrri", me fillim në orën 20:00.
