Astronomët zbulojnë prani të ujit në një planet të ri

Astronomët duke përdorur teleskopin hapësinor Hubble kanë zbuluar molekula uji në atmosferën e një ekzoplaneti të vogël e të nxehtë, 97 vite dritë nga Toka. Planeti, i quajtur GJ 9827d, është rreth dyfishi i diametrit të Tokës dhe është ekzoplaneti më i vogël i gjetur që ka avuj uji në atmosferën e tij, sipas një studimi të ri, shkruan CNN, transmeton Klankosova.tv. Uji është thelbësor për jetën, por planeti nuk ka gjasa të presë ndonjë lloj jete për shkak të temperaturave të larta që do ta kthenin një atmosferë të pasur me ujë në avull përvëlues. Astronomët ende nuk e kanë zbuluar natyrën e vërtetë të atmosferës së kësaj bote të pazakontë, por zbulimi hap rrugën për hetime të mëtejshme ndërsa ata kërkojnë të kuptojnë origjinën e planetëve përtej sistemit diellor.