Lajmet e fundit
Aston Villa thuhet se është e gatshme të paguajë deri në 70 milionë euro për sulmuesin e Bolognas, Joshua Zirkzee.
Qendërsulmuesi holandez pritet të largohet nga Stadio Dall'Ara në fund të sezonit, edhe nëse skuadra italiane kualifikohet në Ligën e Kampionëve, pasi aktualisht janë në vendin e katërt në Serie A.
Milani është ndër favoritët për nënshkrimin e tij, të gatshëm të ofrojnë 50 milionë euro plus Alexis Saelemaekers, me Juventus, Manchester United dhe Arsenal gjithashtu të interesuar.
Megjithatë, gazeta Il Resto del Carlino pretendon se Aston Villa tashmë ka qenë në kontakt me agjentin Kia Joorabchian për të diskutuar për një lëvizje në Premier League.
Ata do të jenë në gjendje të paguajnë çmimin e plotë prej 60-70 milionë eurosh, veçanërisht nëse kualifikohen në Ligën e Kampionëve dhe mund të kalojnë kufirin aktual të pagës prej 2 milionë euro për sezon në Bologna duke e dyfishuar atë pagë.
Megjithatë, mbetet për t'u parë nëse Zirkzee do ta konsideronte këtë një hap përpara nga Bologna, veçanërisht nëse këta të fundit hyjnë gjithashtu në Ligën e Kampionëve.
Ekziston edhe çështja e Bayern Munichut për t'u përballur, sepse ata kanë ende një klauzolë kthimi në kontratën e tij me vlerë 40 milionë euro.
Është plotësisht e mundur që gjermanët mund ta aktivizojnë atë për ta shitur Zirkzee me një shifër më të lartë.
Sido që të jetë, Bayern do të fitojë para nga kjo mesele, sepse ata do marrin 40 për qind të tarifës së shitjes nga Bologna.
