Arrestohet se deshi ta vrasë një porno aktore

Agjentët federal të Gjeorgjisë në Amerikë e kanë arrestuar një djalë të ri për shkak se ai e kishte kërcënuar me jetë një aktore të filmave porno. Ai i kishte dërguar asaj një numër të konsiderueshëm të e-maila-ve me përmbajtje të dhunshme e po ashtu edhe video incizime. Brian Blankenship një 25 vjeçari nga Gjeorgjia  është arrestuar nën akuzën se ka kërcënuar se do ta vrasë vajzën, shkruan revista amerikane People, transmeton Klan Kosova. Dokumentet thonë se në gusht FBI kishte marrë ankesa të vazhdueshme nga vajza 24 vjeçare e cila quhet Malena Morgan. Morgan e cila jeton në Kaliforni, ka kontaktuar me policinë në Beverly Hills me 1 shtator për t’i denoncuar të gjitha kërcënimet duke thënë se i është shkaktuar shumë stres emocional nga ngjarjet në jetën e saj. Ajo kishte marrë 12 e-mail-e në ditët e fundit të gushtit nga një llogari elektronike e cila pas hetimeve doli të jetë e Blakenship. Ai e kishte kërcënuar se do ta vrasë dhe do t’ia fusë kokën në një shufër hekuri. Policia i ka intervistuar edhe familjarët e Blakenship, e ata kanë thënë se me jetë e ka kërcënuar edhe çdo anëtar tjetër të familjes së tij.