Një alpinist i cili u zhduk për gati dy javë në Neë South Wales, Australi, është gjetur i gjallë pasi ka mbijetuar duke ngrënë manaferra dhe dy copa “muesli” të gjetura në një kasolle.
Studenti i mjekësisë, Hadi Nazari, u zhduk në “Ditën e Boksit” pasi ai u largua për të bërë fotografi gjatë një shëtitjeje me miqtë e tij në Parkun Kombëtar “Kosciuszko” në rajonin e maleve Snowy, transmeton Klankosova.tv.
Qindra njerëz, duke përfshirë miqtë dhe familjen e Nazarit, iu bashkuan përpjekjeve të kërkimit për të gjetur 23-vjeçarin.
Ai u gjet nga alpinistë të tjerë rreth orës 15:15 të mërkurën. Nazari u kishte thirrur alpinistëve dhe “u tha atyre se kishte humbur në shkurre dhe kishte etje”.
Pasi alpinistët kontaktuan shërbimet e urgjencës, Nazari u dërgua në postin e komandës së kërkimit me një helikopter. Ai u vlerësua nga mjekët në vendngjarje dhe u dërgua në spital, transmeton Klankosova.tv.
Nazari u gjet në gjendje të mirë shëndetësore, vigjilent, i aftë për të folur dhe nuk kishte lëndime, transmeton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek të tjera dhe zhvillimet e tjera kryesore të vendit.
