Ndeshja tjetër magjike në platformën televizive më të madhe shqiptare, Artmotion, do të jetë ajo në mes Ajaxit dhe Gallatasarayt.
Të dyja skuadrat kanë synime të kundërta, ku vendasit kërkojnë fitoren e parë pas tri humbjeve rresht, në mënyrë që së paku të mbesin në 1/16-ën e finales.
Ndërsa mysafirët nga Turqia synojnë fitoren që t’i mbajnë gjallë shpresat për kualifikim direkt në 1/8-ën e finales, pasi kualifikimin në 1/16 e kanë siguruar.
Aktualisht, Ajaxi pozicionohet në vendin e 16-të me 10 pikë të grumbulluara, kurse Gallata gjendet në vendin e nëntë me 13 pikë.
Përballjen e dy gjigantëve mund ta ndiqni direkt në Sport 1 me fillim nga ora 21:00 në Artmotion.
●●●
BSHKRIMI NGA
BM
Editorial nga Klan Kosova — ndjek sport dhe zhvillimet e tjera kryesore të vendit.
