Adoleshentja gjykohet se e ka inkurajuar të dashurin për vetëvrasje

Një vajzë e re nga Massachusetts, është duke u akuzuar se ka inkurajuar të dashurin e saj për të kryer vetëvrasje. Michelle Carter, atë kohë 17 vjeçare i kishte dërguar mesazhe të dashurit të saj 18 vjeçar, Conrad Roy, duke e inkurajuar atë që të vrasë veten gjithashtu duke i thënë atij që “të kthehet” në kamionin e mbushur me tym monoksid të karbonit, transmeton Klan Kosova. Roy vdiq nga monoksidi i karbonit në korrik të vitit 2014 dhe në celularin e tij janë gjetur mesazhe ku Carter e bindte atë që vdekja do të ishte pa dhimbje dhe që prindërit e tij ishin të përgatitur që ai të ikte nga kjo botë. “Nëse nuk vetëvritesh sonte, atëeherë do të jesh i mjerë. Ti vetëm duhet ta kryesh vetëvrasjen, o sonte o kurrë”, i kishte thënë mes të tjerash ajo me mesazh.