Pas Ligjit për Zyrtarët Publikë që u dërgua në Gjykatë Kushtetuese nga dy partitë opozitare PDK e LDK, fat të ngjashëm mund të ketë edhe ai për pagat.
Mirëpo, këtë dokument obligativ të cilin tashmë e ka dekretuar presidentja Vjosa Osmani mund ta shpëtojë nga kontestimi në organin më të lartë gjyqësor në vend vetëm përcaktimi i një vlere të koeficientit që, sipas shefit të deputetëve të AAK-së, Besnik Tahiri është i duhuri të jetë 129 euro.
Në këtë konferencë për media, Tahiri tha se mospublikimi i vlerës së koeficientit mund të jetë i qëllimshëm, njofton Klan Kosova.
Sipas tij, shërbyesit publikë tash e një kohë janë në ethe pasi nuk e dinë se sa do t’i kenë rrogat.
Tahiri pati kritika për qeverinë edhe për qasjen në veri, shëndetësi e sektorët e tjerë, për çka tha se po prodhon kriza.
https://www.youtube.com/watch?v=GaiSPCjAsL8
●●●
LSHKRIMI NGA
LiZe
Editorial nga Klan Kosova — ndjek video lajme dhe zhvillimet e tjera kryesore të vendit.
