A ishte penallti në ndeshjen Zvicër – Katar apo jo? FIFA me sqarim zyrtar

Barazimi 1-1 mes Katarit dhe Zvicrës në fazën e grupeve të Kupës së Botës ka shkaktuar reagime të shumta, me teknologjinë VAR që u vu në qendër të vëmendjes. Kontestimet nisën pas penalltisë së realizuar nga Breel Embolo për epërsinë e Zvicrës, teksa shumë tifozë dyshuan për një pozicion të mundshëm jashtë loje të Remo Freuler në aksionin që i parapriu golit. Situata u bë edhe më e diskutueshme pasi arbitri Said Martinez priti rreth tre minuta për konfirmimin nga VAR, ndërsa gjatë kësaj kohe nuk u shfaq asnjë grafikë apo animacion 3D në transmetim, transmeton Klankosova.tv. Pas ndeshjes, FIFA publikoi pamjet grafike dhe sqaroi se lojtari zviceran nuk ishte në pozitë jashtë loje. Sipas FIFA-s, një problem teknik i përkohshëm pengoi shfaqjen e grafikës 3D gjatë transmetimit, por nuk ndikoi në procesin e verifikimit nga VAR. “Defekti teknik u zgjidh shpejt dhe të gjitha procedurat standarde të VAR-it u respektuan. Vijat e përdorura konfirmuan se nuk kishte pozicion jashtë loje përpara akordimit të penalltisë”, thuhet në deklaratën e FIFA-s. Pavarësisht sqarimit zyrtar, vendimi vazhdon të diskutohet gjerësisht nga tifozët dhe analistët e futbollit.

During the Qatar vs. Switzerland match in the San Francisco Bay Area, a brief technical outage prevented the onside animation graphic from being generated ahead of the penalty awarded to Switzerland in the 14th minute. The issue was quickly resolved. The workflow of the VAR was… pic.twitter.com/ONpWxXDPE6

— FIFA Media (@fifamedia) June 13, 2026