A është normale apo problem nëse bimët tuaja me gjelbërim të përhershëm po nxihen?

A po kthehen bimët tuaja halore në ngjyrë të verdhë apo në ngjyrë kafe? Simptomat mund të tregojnë një problem, por shanset janë që ato janë vetëm pjesë e procesit të plakjes sezonale të pemëve mirëpo ekzaminimi i afërt do të zbulojë shkakun dhe nëse nevojitet ndonjë veprim. Shumë bimë me gjelbërim të përhershëm përjetojnë rregullisht zverdhjen dhe skuqjen e pjesëve më të vjetra të degëve gjatë vjeshtës. Pemët do të lëshojnë gjilpëra të prekura më vonë gjatë sezonit, gjë që shpesh i shqetëson kopshtarët e tyre, raporton Associated Press, transmeton Klankosova.tv. Por nëse simptomat shfaqen vetëm në degët më të brendshme dhe në pjesën e sipërme dhe të poshtme të pemës, ndoshta nuk ka asgjë për t'u shqetësuar dhe se bëhet fjalë për një pjesë normale të procesit të plakjes. Megjithatë, nëse degët e zverdhura janë të rrëgjuara, kjo mund të jetë tregues i mungesës së azotit. Në mënyrë të ngjashme, nëse majat e degëve të verdha kthehen në kafe të kuqërremtë ndërsa sezoni përparon, pema mund të ketë mungesë kaliumi. Të dyja kushtet kërkojnë konfirmim nëpërmjet një testi dheu, por, nëse diagnostikohet, mund të trajtohen duke aplikuar lëndën ushqyese që mungon në tokë.