65 vjeçarja pas 13 fëmijëve lindi katërnjakë

Një 65-vjeçare nga Berlini është bërë nëna më e vjetër në botë që sjell në jetë katërnjakë. Annegret Raunigk, e cila është pensioniste, tërhoqi vëmendjen e të gjithëve kur solli në jetë 4 fëmijë përnjëherësh. Por përtej habisë që lidhet me moshën e saj, një tjetër fakt e bën akoma më interesante historinë e saj. Annegret ka 13 fëmijë të tjerë, me pesë baballarë të ndryshëm. Pavarësisht se lindën në gjysmën e muajit të gjashtë të shtatzënisë, katër fëmijët kanë mundur të mbijetojnë dhe kanë dalë nga spitali së bashku me nënën. Katërnjakët janë në fakt realizimi i dëshirës së vajzës 10-vjeçare të Raunigk, e cila e kishte bindur të ëmën t’i bënte një motër ose vëlla. Gruaja u është drejtuar mjekëve të një klinike fertiliteti në Ukrainë, pasi mjekët gjermanë refuzuan ta bënin procedurën me argumentin se trupi i 65-vjeçares mund të mos e përballonte një shtatzëni. Mjekët ukrainas vendosën në trupin e gruas një vezë të dhuruar, e cila më pas u fekondua në mënyrë artificiale./DailyMail.