46 vjeçari që e shndërroi dhomën në shpellë

Një britanik është aq i marrosur pas historisë së Batman, aq sa e ka shndërruar një dhomë gjumi rezervë në një kopje të shpellës së tij. Darren Wilson dëshironte një vend të përshtatshëm për t’i ruajtur reliket e tij në vlerë prej 21,000 dollarësh, në shtëpinë e tij në Calne, Wiltshire. Në këtë projekt ai kaloi 18 muaj të fundit, duke punuar ditë e natë. ‘Fillimisht kam filluar ta rregulloj si dhomë kompjuteri, ndërsa më pas më erdhi kjo ide”, ka thënë Wilson. “Njerëzit që e shohin mbeten të habitur. Ne pëlqejmë të jemi ndryshe, por secila dhomë tjetër është normale”. Po ashtu ai ka treguar se i ka premtuar gruas së tij që nuk do t’i dekorojë edhe dhomat të tjera, transmeton Klan Kosova.