Një ish avokat i cili përdorte aftësitë e tij hipnotike me qëllim që të bënte seks me klientet e tij gra, është burgosur pasi një grua kishte fshehur një kamerë gjatë takimit me të.
Michael Fine, është dënuar me 12 vjet burgim të hënën nga një gjykatë në Ohio, pasi u shpall fajtor për abuzim seksual ndaj gjashtë grave të cilat i kishte hipnotizuar, transmeton Klan Kosova.
Policia filloi hetimet për Fine në vitin 2014, pasi dy gra e kishin akuzuar që ai mund t’i ketë hipnotizuar pasi pranonin mesazhe dhe telefonata për takime nga ai.
Njëra nga gjashtë gratë kishte filluar të dyshonte që ai mund ta kishte përdhunuar pasi pas takimit me të sytjenat e saj ishin prishur.
Një tjetër që e kishte ngarkuar ish avokatin për kujdestarinë e fëmijëve në vitin 2013, është shprehur se Fine i kishte përdorur aftësitë e tij hipnotike edhe gjatë telefonatave dhe takimeve në zyre.
Ajo madje edhe kishte regjistruar dy telefonata që kishte me Fine ku ai dëgjohet duke përdorur shprehje seksuale.
Një grua tjetër, është shprehur se kishte dyshuar që ai e kishte hipnotizuar pasi e kishte humbur sensin e kohës.
●●●
DGSHKRIMI NGA
Donika Gashi
Editorial nga Klan Kosova — ndjek kuriozitete dhe zhvillimet e tjera kryesore të vendit.
