103-vjeçarja italiane gjobitet për drejtim mjeti me leje të skaduar

Policia në Itali ka gjobitur një 103-vjeçare, e cila është kapur natën duke drejtuar një makinë të pasiguruar me leje drejtimi të skaduar. Oficerët morën një telefonatë rreth orës 1 të mëngjesit duke raportuar se një automjet po drejtohej në mënyrë të rrezikshme në qendër të Bondeno, shkruan The Guardian, njofton Klankosova.tv. Sipas një raporti të policisë, oficerët e dërguar në vendin e ngjarjes në rajonin verior të Emilia Romagnas ishin "shumë të befasuar kur zbuluan vitin e lindjes së shoferes". Giuseppina Molinari, e njohur si Giose, lindi në vitin 1920. Ajo kishte qenë me makinë për në Bondeno për të takuar miqtë dhe "ndoshta" u çorientua në errësirë ​​dhe humbi rrugën, tha policia. Licenca e Molinarit ka skaduar dy vite më parë. Në Itali, shoferët mbi 80 vjeç duhet t'i nënshtrohen një kontrolli mjekësor çdo dy vjet për të rinovuar patentën. Molinari u gjobit dhe u dërgua në shtëpi nga policia.