Lajmet e fundit
Zyrtarë të lartë nga Rusia dhe SHBA u takuan në Arabinë Saudite të martën për të filluar bisedimet për përmirësimin e lidhjeve dhe negocimin për përfundimin e luftës në Ukrainë.
Delegacionet e udhëhequra nga Sekretari i Shtetit i SHBA-së, Marco Rubio dhe ministri i Jashtëm rus Sergey Lavrov u takuan në Pallatin Diriyah në Riad. Takimi shënon një tjetër hap të rëndësishëm nga administrata Trump për të ndryshuar politikën e SHBA-së për izolimin e Rusisë dhe synon të hapë rrugën për një takim midis presidentit amerikan Donald Trump dhe presidentit rus Vladimir Putin.
Trumpi në fillim të këtij muaji ndryshoi politikën e SHBA-së ndaj Ukrainës dhe Rusisë duke thënë se ai dhe Putin kishin rënë dakord të fillonin negociatat për përfundimin e luftës, raporton Associated Press, transmeton Klankosova.tv.
Zyrtarët ukrainas nuk po marrin pjesë në takim dhe presidenti ukrainas Volodymyr Zelenskyy tha të hënën se vendi i tij nuk do ta pranojë rezultatin nëse Kievi nuk merr pjesë.
