Zyrtare: Talenti i Liverpool huazohet te Birmingham City

Liverpool ka zyrtarizuar huazimin e talentit Lewis Koumas te Birmingham City për sezonin 2025/26. Sulmuesi i ri uellsian, i lindur më 2005, do të veshë fanellën e “Blues” në Championship, ku synon të marrë minuta të vlefshme dhe të rritet në nivelin profesional. Koumas, i cili është djali i ish-mesfushorit Jason Koumas, iu bashkua akademisë së Liverpool-it në vitin 2016 nga Tranmere Rovers. Ai shkëlqeu që në moshë të re me ekipet e akademisë, duke shënuar gola vendimtarë dhe duke treguar një potencial të madh si sulmues anësor. Në janar të vitit 2023 ai nënshkroi kontratën e parë profesionale me klubin nga Anfield, ndërsa vetëm një vit më vonë përjetoi një moment historik: debutoi me skuadrën e parë dhe shënoi gol në ndeshjen e Kupës FA kundër Southampton, duke fituar duartrokitjet e publikut. Birmingham e ka prezantuar Koumas si blerjen e dhjetë të merkatos verore, duke besuar se lojtari do të bëhet një element i rëndësishëm për ofensivën e skuadrës. Nga ana tjetër, Liverpool e sheh këtë huazim si një hap vendimtar në zhvillimin e futbollistit, i cili pritet të rikthehet më i pjekur e më i kompletuar pas një sezoni të plotë në futbollin e të rriturve./Klankosova.tv