Anëtari i Kombëtares së Kosovës, Ermal Krasniqi, është huazuar nga Sparta Praga te Legia Warszawa për sezonin 2025/26, me opsion blerjeje në fund të sezonit.
Krasniqi ka luajtur 45 ndeshje me klubin më të titulluar çek, përfshirë 7 ndeshje në fazën kryesore të Champions League, ndaj skuadrave si Interi i Milanit dhe Manchester City.
Ai ka arritur sukseset më të mëdha me FK Ballkani, duke fituar dy herë kampionatin e Kosovës (2022 dhe 2023). Ai ka gjithashtu përvojë ndërkombëtare: 8 ndeshje dhe 2 gola me përfaqësuesen e Kosovës.
Debutoi në nëntor 2022 kundër Ishujve Faroe dhe ka qenë pjesë e grumbullimeve të fundit të kombëtares. Krasniqi te Legia do të mbajë numrin 77./Klankosova.tv
●●●
VRSHKRIMI NGA
Ve Ra
Editorial nga Klan Kosova — ndjek sport dhe zhvillimet e tjera kryesore të vendit.
