Endrick do të largohet përkohësisht nga Real Madrid për të fituar më shumë minuta loje. Sulmuesi brazilian 19-vjeçar do t’i bashkohet Olympique Lyon me formulën e huazimit deri në fund të sezonit, pa opsion blerjeje.
Vendimi vjen pasi Endrick nuk ka gjetur hapësirë të mjaftueshme në planet e Xabi Alonsos, ndërsa huazimi në Ligue 1 shihet si një mundësi ideale për zhvillim dhe rikthim në formë.
Braziliani pritet të rikthehet te Real Madrid në verë, me synimin për të qenë gati edhe për Botërorin 2026 me kombëtaren e Brazilit. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
