Zurichu për vendimin e Bledianit që ta përfaqësojë Kosovën: Na vjen keq, por e kuptojmë

Të mërkurën u raportua se mesfushori i klubit futbollistik Zurich (FCZ), Bledian Krasniqi, ka vendosur të luajë për Kombëtaren e Kosovës. E sot, është vetë klubi i tij ai që e ka konfirmuar këtë informacion, duke lëshuar një komunikatë për media, raporton Klankosova.tv. “U informuam nga lojtari ynë Bledian Krasniqi se ai do të synojë një vend të mundshëm në ekipin kombëtar të Federatës së Futbollit të Kosovës pasi të ishin përmbushur kërkesat rregullatorë”. FCZ thotë se i vjen keq që ai nuk do të mund ta përfaqësojë më Zvicrën, por thotë gjithashtu se e kupton vendimin e tij. “Nga njëra anë, na vjen keq për këtë vendim, pasi Blediani, një futbollist mjaft i talentuar, nuk mund të mund të luajë më për kombëtaren e Zvicrës. Nga ana tjetër, ne e kuptojmë vendimin e tij, pasi Federata Zvicerane e Futbollit deri më tani nuk ka shfaqur interes për një ftesë afatshkurtër apo afatmesme për kombëtaren zvicerane”. “Ne jemi gjithashtu të kënaqur që Bledian Krasniqi, një tjetër lojtar vendas i FCZ-së, është në fokusin e një ekipi kombëtar të të rriturve”, u tha në deklaratën e FCZ-së. “Blick” dje raportoi se Blediani tashmë ka aplikuar për pasaportë të Kosovës. /Klankosova.tv