Zjarri shkatërron muzeun e famshëm 40 vjeçar në Altadena

Steve Lubanski dhe bashkëshortja e tij, Candace, u detyruan të largoheshin nga shtëpia dhe muzeu i tyre i dashur, pasi flakët nga zjarri Eaton vazhduan të përhapen në disa pjesë të Los Angeles. Çifti ishte pronar i The Bunny Museum në Altadena, i cili ka qenë pjesë e komunitetit për 26 vjet, transmeton klankosova.tv. Ky muze ishte dikur koleksioni më i madh në botë i objekteve të lidhura me lepujt, por tani është shkatërruar nga zjarri. Në një intervistë për CBS News, Lubanski tha se ju deshën 40 vjet për ta krijuar këtë koleksion. Ai kaloi gjithë natën duke u munduar të mbante flakët larg, por u detyrua të largohej pasi godina përballë tij u dogj. Nga koleksioni prej 46,000 objekteve, çifti arriti të marrë vetëm disa pllaka dhe dy lepujt e parë të tyre.