Rrokaqielli Torre Moeve në Madrid, shtëpia e kompanisë spanjolle të energjisë me të njëjtin emër, u evakuua sot pasi një zjarr shpërtheu në ndërtesë.
Sipas policisë, zjarri u vu nën kontroll gjatë pasdites dhe askush nuk u lëndua në incident, raporton Reuters .
Një zjarr shpërtheu në lagjen financiare të kryeqytetit spanjoll dhe tymi i dendur detyroi punonjësit dhe të tjerët brenda rrokaqiellit të evakuoheshin. Fotot e agjencive të lajmeve i treguan ata të mbledhur jashtë ndërtesës pas evakuimit.
Evakuim për shkak të tymit të dendur
Dëshmitarët raportuan se tymi i dendur filloi të përhapej nga ndërtesa, duke shkaktuar evakuim. Një punonjës tha se iu desh të zbriste 34 kate për të dalë nga rrokaqielli.
Një dëshmitare i tha Reuters se pa tym dhe ndjeu erën e tymit përpara se të aktivizohej alarmi i zjarrit. Pamjet e publikuara nga dëshmitarët okularë tregonin tym që dilte nga mesi i rrokaqiellit 49-katësh.Policia konfirmoi se zjarri është vënë nën kontroll dhe se nuk ka pasur të lënduar. Shkaku i zjarrit nuk dihet ende. /Klankosova.tv
●●●
Shpërndaje këtë artikull
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
