Zgjim Sojeva nga Kosova do të jetë delegat i ndeshjes Bayer Leverkusen - Inter

Nesër me fillim nga ora 21:00 në "Bay Arena" do të zhvillohet një ndeshje mjaft interesante në mes të Bayer Leverkusenit të Granit Xhakës dhe Interit. Përpos që është e vlefshme për garën më prestigjioze të futbollit evropian, kjo lojë e ka një veçanti tjetër. I deleguar i UEFA-s për këtë takim do të jetë një kosovar. Ai është Zgjim Sojeva, njofton Shtëpia e Futbollit Evropian, transmeton Klankosova.tv Ndërkaq, drejtësinë për këtë takim do ta ndajë slloveni Sllavko Vinçiq. Aktualisht skuadra e drejtuar nga Xabi Alonso, është në vendin e gjashtë me tri fitore, një barazim dhe një humbje, kurse italianët e drejtuar nga Simone Inazghi kryesojnë renditjen me pesë fitore.