Zgjerimi dhe lëvizjet e reja për sezonin 2025/26 në EuroLeague

Sezoni 2025–26 i EuroLeague shënon një hap të rëndësishëm për basketbollin evropian me zgjerimin e ligës nga 18 në 20 ekipe. Ky vendim ishte miratuar nga Asambleja e EuroLeague më 19 qershor 2025 dhe do të hyjë në fuqi për sezonin e ri që fillon më 30 shtator 2025. Ky zgjerim ka për qëllim të rrisë konkurrencën dhe të përfshijë ekipe nga tregje të reja, edhe përtej Evropës. Ekipet e reja që do të marrin pjesë janë: Hapoel Tel Aviv: Fitues i EuroCup 2024/25, duke siguruar promovimin në EuroLeague. Dubai Basketball: Ka marrë një ‘wildcard’ trevjeçare, duke shënuar hyrjen e parë të një ekipi jo-evropian në ligë. Valencia Basket: Ka marrë një ‘wildcard’ trevjeçare, duke rifituar vendin në EuroLeague. Partizan Mozzart Bet, Crvena Zvezda Meridianbet, dhe Virtus Bologna: Secila skuadër ka marrë poashtu një ‘wildcard’ trevjeçare, për të siguruar vazhdimësinë në ligë deri në sezonin 2027/28. Ky zgjerim ka ndikuar në strukturën e ligës dhe pritet të rrisë konkurrencën mes ekipeve. Ja lista e ekipeve që do të garojnë në sezonin 2025/26 të EuroLeague, që fillon më 30 shtator: Anadolu Efes Istanbul - (Turqi) AS Monaco – (Monaco) Baskonia Vitoria-Gasteiz – (Spanjë) Crvena Zvezda Meridianbet – (Serbi) Dubai Basketball – (Emiratet e Bashkuara Arabe) EA7 Emporio Armani Milan – (Itali) FC Barcelona – (Spanjë) FC Bayern Munich – (Gjermani) Fenerbahçe Beko Istanbul - (Turqi) Hapoel IBI Tel Aviv – (Izrael) LDLC ASVEL Villeurbanne – (Francë) Maccabi Playtika Tel Aviv – (Izrael) Olympiacos Piraeus – (Greqi) Panathinaikos AKTOR Athens - (Greqi) Paris Basketball – (Francë) Partizan Mozzart Bet Belgrade – (Serbi) Real Madrid – (Spanjë) Valencia Basket – (Spanjë) Virtus Segafredo Bologna - (Itali) Žalgiris Kaunas – (Lituani).