Zekrija Ramadani trajneri i ri i FC Prishtinës

Trajneri nga Shkupi, Zekrija Ramadani, do të jetë krye-trajner i ri i dhjetë herë kampionit të Kosovës në futboll, FC Prishtina. Lajmi është bërë i ditur nga faqja zyrtare e klubit “bardh e kaltër”, njofton Klan Kosova. “Është privilegj i madh për mua të udhëheq Prishtinën. Patjetër që do të jetë përgjegjësi, sepse Prishtina është klubi ndër më të mëdhenjtë në rajon. Dhe, normalisht që duhet punuar shumë që të arrihet objektivi. Ishin të qartë edhe drejtuesit të cilët i falënderoj për besimin që më dhanë për të drejtuar ekipin e Prishtinës. Shpresoj dhe besoj që deri në fund t’i arrijmë objektivat duke besuar në kolektiv, duke besuar në stafin teknik dhe duke besuar edhe në drejtuesit”, ka thënë Ramadani pas prezantimit. Shkupjani në futbollin kosovar ka fituar dy tituj kampion, me skuadra si Trepça 89 dhe Feronikeli. Ai zëvendëson, Armend Dallkun, e larguar së fundmi nga FC Prishtina.