Zbulohet teknologjia e re që Man United do ta sjellë në “Old Trafford” për të ndihmuar në analizën e lojtarëve

Manchester United do të instalojë teknologjinë e gjurmimit më të fundit në Old Trafford dhe Carrington, pasi ka rinovuar marrëveshjen e partneritetit me STATSports. Kjo teknologji e re do të jetë në përdorim në stadium dhe në fushën stërvitore pas njoftimit të së hënës se yjet e United do të vazhdojnë të veshin gjurmuesit e performancës GPS Apex 2.0. Burime të brendshme thanë se kjo do të eliminojë nevojën për sinjalizues portativë dhe do t'u mundësojë analistëve të klubit të monitorojnë lojtarët në veprim më saktë, duke i kursyer stafit të trajnerëve deri në 20 orë në javë, të cilat tani mund të shpenzohen për analiza më të thella, shkruan DailyMail, transmeton Klankosova.tv United tha në një deklaratë se marrëveshja e re “përforcon angazhimin e klubit për të zbatuar zgjidhje harduerike me performancë më të mirë”. /Klankosova.tv