Zbulohen thesare të çmuara në Kishën e Manastirit të Shën Kollit në Mesopotam

Kryeministri i Shqipërisë, Edi Rama ka bërë të ditur se edhe një thesar i vyer i trashëgimisë kulturore ka dalë në dritë. Bëhet fjalë për Kishën e Manastirit të Shën Kollit në Mesopotam, ku janë zbuluar disa piktura murale të cilat po rilindin nga e para përmes restaurimit që po iu bëhet detaj pas detaji për të ruajtur dekorin autentik të tyre, transmeton Klankosova.tv. “Një tjetër thesar i vyer i trashëgimisë sonë kulturore ka dalë në dritë, në kishën e Manastirit të Shën Kollit në Mesopotam, ku janë zbuluar disa piktura murale të cilat po rilindin nga e para përmes restaurimit që po iu bëhet detaj pas detaji për të ruajtur dekorin autentik të tyre”, ka shkruar Rama në Facebook.