“Zbardhje” e Kaltrina Krasniqit në Producers Network në Kanë

Filmi i gjatë artistik “Zbardhje”, i regjisores Kaltrina Krasniqi, skenar të Doruntina Bashës dhe producent Ares Shporta, do të jetë pjesë e Producers Network në Marché du Film, në kuadër të Festivalit të Filmit në Kanë. Kjo përfshirje në një prej platformave më të rëndësishme të industrisë ndërkombëtare të filmit përfaqëson një mundësi të çmuar për zhvillimin e mëtejshëm të projektit dhe për afirmimin e kinematografisë kosovare. Ky film ka fituar çmimin “Female Voice Award” nga European Women’s Audiovisual Network, në TorinoFilmLab, transmeton Klankosova.tv.